logo
blog_img

19-Apr-2020

ازاي اختار المجال المناسب ليا !

1-Explore, follow the flow, pivot

عشان تقدر تعرف ال skills بتاعتك أصلا ،ف انت محتاج تجرب عشان تعرف مهاراتك مناسبه لايه ،

قابلت ناس كتير الفتره اللي في الايفنتات بتبقي دايما خايفه تجرب او شايفه انها كده هتبقي بتضيع وقت ،

بس الحقيقه انك كده بتكتشف نفسك مش بتضيع وقت ،

جرب وامشي في الحاجه فتره عشان تقدر تتعلم منها وتاخد خبره فيها حتي لو في الاخر اكتشفت ان مش دي الحاجه المناسبه ليك و قررت تعمل pivot وتنقل حاجه تانيه هتبقي اتعلمت أكيد


2-Craftsman mindset

احنا. دايما بنسمع جمله اتبع شغفك ،اتبع شغفك ،اتبع شغفك وبتعملنا motivation ميه ميه الصراحه 😁

لحد ما جه cal newport اتكلم في كتاب "so good they can't ignore you"

او بالعربي كن جيدا كفايه لدرجه أن لا يتجاهلوك

اتكلم في الكتاب عن مشاكل جمله "اتبع شغفك" و انها مش في كل الأوقات بتبقي صحيحه لان في الغالب نظام التعليم مش هيبقي اداك فرصه أصلا انك تعرف نفسك و انت كويس في ايه ومش كويس في ايه ،فلما يتقالك الجمله دي :

يا هتلاقي نفسك تايه ومش لاقي حاجه بتحبها ف هتحس انك فاشل ،

يا هتلاقي نفسك حابب حاجات كتير أوي ومش قادر تقرر المفروض تكمل في ايه ...


ف اتكلم عن أهميه ان يبقي عندك "عقليه الحرفي" مش "عقليه الشغف"

بمعني انك تقرر ال career المناسب ليك بعد ماتجرب فعلا الحاجه و تبتدي كمان تحقق فيها نتايج ساعتها هتتاكد ان ده passion حقيقي مش مجرد حاجه وهميه انبهرت بيها


3-Build career capital

طب انا ازاي اخد خبره و يبقي عندي "عقليه الحرفي" عشان اتأكد ان ده المجال المناسب ليا فعلا من غير ما اخاطر و اسيب الكليه او المجال اللي انا فيه دلوقتي !

الحل في انك تبني ل نفسك career capital أو قاعده قويه في المجال ده عن طريق نتايج ملموسه قبل ما تسيب كل حاجه وتكمل فيه هو بس ،

يعني انا مثلا كنت علوم بس خلال سنين الكليه كنت بشتغل في المجال اللي انا حباه مع الدراسه عادي لحد ما ابتديت احقق نتايج ملموسه و بنيت لنفسي حاجه قويه فيه أقدر ابني عليها ال career بتاعي بعد كده


4-Know your why

كان سنه 2011 اتكلم سايمون سينك في ted talk عن ال golden circle

اللي بتتكون من why /how /what

و ان ازاي ممكن اتنين مثلا بيروحوا نفس الكليه وبيذاكروا مع بعض حد بيجيب امتياز والتاني ممكن يجيب مقبول ،و ان ممكن شركتين شغالين علي نفس المنتج واحده تبقي رقم واحد في السوق والتانيه ممكن تقفل ...

و ان الفكره كلها اننا نبدأ دايما بال "why" كلنا عارفين ال "what" عارفين احنا بنعمل ايه بس ساعات كتير بننسي احنا بنعمل ده ليه ! ايه ال value اللي بنقدمها أو هتعود علينا !


مهم جدا ان كل خطوه بنعملها تبقي بتضيفلنا في مستقبلنا ،ونبقي عارفين هتضيفلنا ايه و هنستغلها امتي و ازاي...

التعليقات (0)

من فضلك قم بتسجيل الدخول لتتمكن من التعليق